20 студзеня Коханаўская гарпасялковая бібліятэка правяла гадзіну зносін “Традыцыі, завешчаныя продкамі”, прысвечаную Году малой радзімы. Бібліятэкар расказала пра багацце гісторыка-культурнай спадчыны беларусаў, аб спрадвечных традыцыях адзначаць праваслаўныя святы - Каляды, Вялікдзень, Радаўніцу, а таксама народныя святы - Масленіцу, Кліканне вясны, Купалле і інш. Пазнавальны характар ​​мелі паведамленні пра звычаі спраўляць беларускае народнае вяселле, аб тым, як будавалі хаты нашы продкі, якую вопратку насілі, якую ежу ўжывалі. Да мерапрыемства была аформлена кніжная выстава “Гісторыка-культурная спадчына”.