Гараджан гасцінна сустракалі бібліятэкары ў нацыянальных касцюмах, якія распаўсюджвалі выдавецкую бібліятэчную прадукцыю – серыю літаратурных закладак “Вайна ў творчасці беларускіх пісьменнікаў”.

З зацікаўленасцю наведвальнікі пляцоўкі прымалі ўдзел у інтэрактыўнай віктарыне “Ішоў мой край дарогамі вайны”. Для юных жыхароў горада супрацоўнікамі гарадской дзіцячай бібліятэкі была арганізавана тэматычная выстава “Гэта зямля твая і мая“, акцыя “Пажаданні роднаму гораду на бібліятэчнай паштоўцы” і конкурс дзіцячых малюнкаў “Я малюю маю краіну”.

Да спадобы прыйшоўся ўсім кніжны фрымаркет пад дэвізам “Глядзі, бяры, чытай! Спадабалася кніга – забірай!”. Асаблівай папулярнасцю карысталіся выданні ваенна-патрыятычнага напрамку і дзіцячыя кнігі.

Сфатаграфавацца на памяць магчыма было каля тэматычнай фотазоны з нацыянальным каларытам  “Мая Беларусь” і тэматычнай рамкі “Я в библиотеке”.

На працягу работы пляцоўкі гучалі сучасныя песні пра Беларусь.