“Сэрца на далоні часу”

29 студзеня 2021 года ў гарадской дзіцячай бібліятэцы для навучэнцаў старэйшых класаў СШ № 2 г.Талачына прайшоў літаратурны юбілей “Сэрца на далоні часу”, прысвечаны 100-годдзю з дня нараджэння І. Шамякіна. Бібліятэкар Штарас Н.П. азнаёміла прысутных з жыццёвым шляхам і творчай дзейнасцю пісьменніка. А на кніжнай выставе “Чытаем Шамякіна - пазнаём жыццё” была прадстаўлена літаратурная спадчына юбіляра.

“Іван Шамякін: жыццё і лёс”

29 студзеня 2021 года ў ДУА “Коханаўская сярэдняя школа” для вучняў 11 класа  быў праведзены літаратурны вечар-партрэт “Іван Шамякін: жыццё і лёс”, прысвечаны 100-годдзю з дня нараджэння пісьменніка. У ходзе мерапрыемства бібліятэкары Коханаўскай гарпасялковай бібліятэкі пашырылі веды старшакласнікаў пра асобу і творчасць Івана Шамякіна, распавялі аб значэнні яго творчасці ў беларускай літаратуры, раскрылі святло вобразаў, характараў, якія стварыў пісьменнік ў сваіх творах: “Трывожнае шчасце”, “Глыбокая плынь”, “У снежнай пустыні”, “Злая зорка” і інш. Прапанавалі для прагляду кнігі на аформленай у класе кніжнай выставе “Іван Шамякін - чалавек-эпоха”.

“І краю ў свеце няма даражэй, дзе давялося нарадзіцца нам”

Пад такой назвай  27 студзеня 2021 года ў Коханаўскай гарпасялковай бібліятэцы адбыўся краязнаўчы вечар-прысвячэнне, удзельнікамі якога сталі навучэнцы УА “Коханаўскі дзяржаўны прафесійны ліцэй сельскагаспадарчай вытворчасці”. У ходзе мерапрыемства ўдакладнілі і пашырылі веды навучэнцаў аб гісторыі пасёлка Коханава, паведамілі аб яго славутых людзях. Прапанавалі для прагляду відэафільм “Памаўчым у гісторыі, бронзаю, якая стала”, які садзейнічаў фарміраванню паважлівага стаўлення да памятных мясцін пасёлка. 

Таксама да мерапрыемства была падрыхтавана кніжная выстава “Мне па сэрцы малая радзіма, мне па сэрцы мой родны кут”.