C днем библиотек

Уважаемые читатели и коллеги!

Есть в библиотеках, хоть в маленьких, хоть в больших, особое очарование…Никогда не знаешь, что за чудесные книжки можно встретить тут! Сегодня так развит цифровой мир, что он кажется почти реальным, но все равно, ничто не заменит бумажную книгу! Толстую или тонкую, новенькую, с запахом типографской краски или старинную, в хрупком переплете…

Примите искренние поздравления с Днём библиотек – с праздником библиотекарей и  истинных книголюбов, всех, кто неравнодушен к чтению! От всей души желаем творческих и профессиональных успехов, смелых идей и находок! Пусть работа приносит удовольствие, и каждый день проходит с улыбкой и интересной книжкой!

Будьте здоровы и счастливы!

ЮБІЛЕЙ БІБЛІЯТЭКІ

  

       Коханаўская гарпасялковая бібліятэка адзначыла свой 100-гадовы юбілей  21 жніўня 2019 года. Гэтай знакавай падзеі быў прымеркаваны юбілейны вечар “Гарпасялковая бібліятэка: традыцыя быць карыснай”. Мерапрыемства праходзіла ў чытальнай зале бібліятэкі, упрыгожанай шарамі, жывымі і самаробнымі кветкамі, плакатамі.

    Сцэнарый юбілейнага вечара ўключаў выступленні ветэрана бібліятэчнай справы Важанавай В.І., загадчыка бібліятэкі Цупрыяновіч М.Я., гасцей урачыстасці - намесніка старшыні Талачынскага раённага выканаўчага камітэта Галубковай І.С., старшыні Коханаўскага сельскага Савета Барышава М.Я., начальніка аддзела ідэалагічнай работы, культуры і па справах моладзі Талачынскага раённага выканаўчага камітэта Валевіч А.В., дырэктара ДУК “Талачынская цэнтралізаваная бібліятэчная сістэма” Свіркоўскай Т.М. і інш. Лепшым чытачам бібліятэкі ва ўрачыстай абстаноўцы былі ўручаны падзякі

     Прысутныя ў зале цёпла віталі выступленні паэтаў-землякоў Пазнякова А.К., Хацкевіч Г.М., тэатралізаваную пастаноўку казкі “Рэпка”, пераробленую на новы лад, у выкананні членаў клуба “Крынічка”, п'есу       Я. Зялкоўскага “Прабіранка” - у пастаноўцы членаў клуба “Суразмоўніца”, выступленні самадзейных артыстаў мясцовага Дома культуры і квартэта настаўнікаў Коханаўскай дзіцячай школы мастацтваў.

     Была аформлена кніжная экспазіцыя “Нам ёсць чым ганарыцца, нам ёсць, што захоўваць!” з наступнымі часткамі: “З гісторыі станаўлення бібліятэкі”, “Будні і святы”, “Нашы дасягненні”. Створаны шматлікія фотазоны. Складзены з кніг камерцыйнага фонду “Кніжны торт” стаў прызам пераможцу віктарыны для чытачоў.

      Урачыстасць завяршылася пасадкай гасцямі і чытачамі бібліятэкі дрэва ў гонар 100-годдзя бібліятэкі і фотаздымкам на памяць.

АТМАСФЕРА ПАМЯЦІ

 

Ім, героям Вялікай Айчыннай вайны,

якія ўнеслі ўклад у Вялікую Перамогу

         дзеля міру і росквіту  прысвячаецца…

3 ліпеня 2019 года ў дзень святкавання 75-годдзя вызвалення Беларусі ад нямецка-фашысцкіх захопнікаў бібліятэкары Талачынскай цэнтральнай раеннай бібліятэкі арганізавалі тэматычную пляцоўку, прысвечаную рэспубліканскай патрыятычнай акцыі “Беларусь памятае”.

Лічбы храналогіі вызвалення населенных пунктаў Талачыншчыны з'явіліся на прыступках ля ўваходу ў памяшканне бібліятэкі, а таксама на стэндзе "Сцяна памяці".

Памяць аб Вялікай Айчыннай вайне, вернасць ёй захоўваецца практычна ў кожным беларускім доме, у кожнай сям'і. Пра гэта сведчыць цікавасць наведвальнікаў бібліятэкі да стэнда "Памяць праз фота", на якім змешчаны фотаздымкі нашых продкаў, якія змагаліся за мірнае неба над галавой.

Акрамя гэтага на пляцоўцы змясціліся шматлікія выставы, фотазона з арыгінальнымі  экспанатамі ваеннага часу: шынель, фуражка, пілоткі, гармонік, пляшка і іншыя прадметы партызанскага побыту. Сярод стылізаваных зорак, зробленных з кніг, "гарыць" вогнішча вечнага агню.

Наведвальнікі тэматычнай пляцоўкі таксама мелі магчымасць пазнаёміцца з насценгазетамі. На своеасаблівых старонках газеты "Шляхамі вызвалення" змясціліся копіі дакументаў таго часу, успаміны і фотаздымкі ўдзельнікаў тых падзей і багаты ілюстратыўны матэрыял. А насценгазета пад назвай "Талачыншчына партызанская" прадставіла матэрыял пра партызанскі рух у краі. Газета была аздоблена малюнкамі, партызанскімі прыказкамі і прыпеўкамі.

"Была вайна... Была Перамога!" - гэтыя словы сведчаць пра тое, што памяць не мае часовых рамак. Менавіта таму пад гэтай назвай на стылізаванай шырме з'явіліся копіі вокладак кніг адпаведнай тэматыкі.  Побач змясціліся кніжныя выставы "Аб вайне мы даведаліся з кніг..." і "Людзьмі і памяццю жыве наш край". На апошняй выставе акрамя кніг былі прадстаўлены сапраўдныя франтавыя лісты. Экранізацыю ваенных твораў таксама можна было пабачыць на стылізаванай фотакінастужцы.