ДУК “Талачынская цэнтралізаваная бібліятэчная сістэма”

Коханаўская гарпасялковая бібліятэка-філіял № 2

Экакраязнаўчы праект

“Край мой -

гонар мой”

Коханава, 2020

Уступ

         Краязнаўства з'яўляецца важным накірункам патрыятычнага выхавання падрастаючага пакалення. Пазнаючы свой край, дзеці і моладзь вучацца любіць і шанаваць малую радзіму, ўзбагачаюцца ведамі, спасцігаюць жыццёвы вопыт старэйшых пакаленняў.

         Любы край, горад, любая вёска непаўторныя. У кожным месцы свая прырода, свае традыцыі, свой побыт. Прырода вёсак Коханаўскага сельскага Савета здзіўляе сваёй незвычайнай прыгажосцю. Тут ёсць, на што паглядзець і чым палюбавацца: велізарныя змешаныя лясы, багатыя грыбамі і ягадамі, вялікія раздольныя лугі і палі, азёры і рэкі.

         Мы нарадзіліся тут. І мы, безумоўна, павінны ведаць гісторыю сваёй малой радзімы. Кожная малая радзіма мае сваю непаўторную гісторыю і прыроду, свае памятныя мясціны. Трэба памятаць і ведаць гэтую гісторыю, захаваць гэтыя найпрыгажэйшыя і ўнікальныя месцы для будучых пакаленняў, каб яны ведалі і разумелі, чым захапляліся іх продкі, адчувалі пачуцці любові і гонару за свой родны край.

Апісанне праекта

         Тэрыторыя Коханаўскага сельскага Савета - гістарычна значная і прывабная з турыстычнага пункту гледжання. І сёння, як ніколі важна, каб жыхары Савета ведалі сваю гісторыю, ганарыліся дасягненнямі землякоў, маглі ацаніць уклад роднага пасёлка ў развіццё краіны. Аднак, праведзенае вуснае апытанне паказала нізкі ўзровень дасведчанасці нават аб ключавых падзеях мясцовай гісторыі.

         Малая Радзіма ... У кожнага чалавека яна свая, але для ўсіх з'яўляецца той пуцяводнай зоркай, якая на працягу ўсяго жыцця вызначае вельмі многае, калі не сказаць - усё. Але мала гаварыць аб любові да роднага краю, трэба ведаць яго мінулае і сучаснасць, багатую духоўную культуру, народныя традыцыі, прыроду.

Пастаноўка праблемы

         Кожнаму чалавеку, кожнаму народу трэба ўсвядоміць сябе і сваё месца ў свеце, у свеце прыроды, сярод іншых людзей, народаў, а гэта немагчыма без ведання гісторыі, без вывучэння культуры, звычаяў і традыцый сваёй малой радзімы.

         Коханаўскі сельскі Савет багаты культурна-гістарычнымі аб'ектамі рэспубліканскага і абласнога значэння. Так, у вёсцы Галошава захаваліся да нашых дзён маёнтак паноў Цюндзявіцкіх, парк з рэдкімі для Беларусі дрэвамі і хмызнякамі, курганы, каменны крыж на беразе возера Глыбокае з старажытнай легендай пра яго паходжанне, якая перадаецца з пакалення ў пакаленне. У вёсцы Звянячы - вежа Шухава, як аб'ект гісторыка-культурнай спадчыны.

         Багатая і прырода нашага краю - маляўнічае возера Глыбокае і прымыкаючае да яго тарфяное балота са сваёй расліннасцю і жывёльным светам, рака Сакалянка, якая дае жыццё шматлікім крыніцам, дэндрарый Коханаўскага лясніцтва з дрэвастояў з усяго свету і інш.

         Большасць чытачоў бібліятэкі не чулі і не ведаюць пра гэтыя унікальныя гісторыка-культурныя збудаванні і прыродныя аб'екты. З мэтай данесці да іх значнасць гэтай культурна-гістарычнай спадчыны і распрацаваны дадзены праект.

Мэты праекта:

• прапаганда літаратуры краязнаўчага характару;
• папулярызацыя сярод насельніцтва аб'ектаў культурнай спадчыны;
• выхаванне патрыятычных пачуццяў, пашырэнне ведаў аб краі, яго гісторыі, звычаях і традыцыях;
• абуджэнне цікавасці і беражлівых адносін да гістарычных і культурных каштоўнасцяў краю;
• выхаванне любові да прыроды роднага краю;
• развіццё пазнавальнай цікавасці да мінулага, сучаснасці малой радзімы;

Задачы праекта:

• арганізацыя сярод школьнікаў і насельніцтва краязнаўчага руху па зборы матэрыялаў аб гісторыка-культурнай спадчыне гарадскога пасёлка Коханава і бліжэйшых вёсак;
• выхаванне беражлівых адносін да гістарычнага мінулага краю, яго культурным каштоўнасцям;
• развіццё творчай актыўнасці ў пазнанні гісторыі і культуры, прыроды роднага краю;
• фарміраванне аблічча бібліятэкі як месца, дзе кожны зможа знайсці дапамогу і падтрымку ў пытаннях, якія тычацца сваёй малой радзімы;

Тэрмін рэалізацыі праекта: студзень - снежань 2021 года.

Праект разлічаны на ўсе групы карыстальнікаў.

Партнёры праекта:

• адміністрацыя Коханаўскага сельскага Савета;
• ДУА “Коханаўская сярэдняя школа імя І.П.Кожара”;
• УА “Коханаўскі дзяржаўны прафесіянальны ліцэй сельскагаспадарчай вытворчасці”.
• ДУА “Коханаўская дзіцячая школа мастацтваў”.

Змест праекта:

Бюджэт праекта

         Для рэалізацыі праекта спатрэбяцца матэрыялы: папера офісная, папкі з файламі.

Чаканы вынік:

• пашырэнне ўяўлення аб своеасаблівасцях гісторыка-культурнай спадчыны краю;
• павышэнне попыту на літаратуру краязнаўчага зместу;
• фарміраванню ў чытачоў пачуццяў любові, гонару, патрыятызму і пачуцця прыналежнасці да малой радзімы;
• папаўненне экспанатамі краязнаўчага кутка;
• распрацоўка маршруту экскурсіі па гісторыка-культурным мясцінах краю;
• галоўным вынікам рэалізацыі праекта будзе афармленне краязнаўчых альбомаў: “Прырода роднага краю”, “Славутасці роднага краю”.